اسد الشعر العربى (جمال الشرقاوى) أغنية \ الأمل الحلو \ شعر \ جمال الشرقاوى \

اسد الشعر العربى (جمال الشرقاوى)
أغنية \ الأمل الحلو \
شعر \ جمال الشرقاوى \

بكرة الأمل الحلو جاى
يفرَّح القلب الحزين
و لا تسألش هيجى ازاى
يمحى بإيديه الأنين
يزوِّد شوق على شوقنا
يخلى الدنيا تعشقنا
ينسِّنا
ف ماضينا
جراح فينا
و من غير ذنب
يعزِّينا
يخلينا
م نعرفش غير الحب
بكرة الأمل الحلو جاى
يفرَّح القلب الحزين
و لا تسألش هيجى ازاى
يمحى بإيديه الأنين
يورِّينا الحياه جديدة
يعيِّشنا معاه ف أحلام
يرُد الروح ف أيامنا
يخلى نار هوانا غرام
و تصبح كل دنيانا
حكاية و عايشة جوانا
يعدِّينا
يهدِّينا
يعيش لينا
أملنا العذب
و يهدِينا
خطاوينا
ورود ذكرىَ بإسم الرب
بكرة الأمل الحلو جاى
يفرَّح القلب الحزين
و لا تسألش هيجى ازاى
يمحى بإيديه الأنين

من ديوان " صباح الحب "
القاهرة \ فبراير \ الأربعاء 28 \ 2 \ 2001 م
جمال الشرقاوى \ صحفى \ وكالة انباء مصر \

» اسد الشعر العربى (جمال الشرقاوى) أغنية \ طبعا يا سيدى و مين قدَّك \ كلمات الشاعر \ جمال الشرقاوى \
» أسد الشعر العربى ( جمال الشرقاوى ) أغنية / كل اللى يشوفها يحبها / كلمات الشاعر / جمال الشرقاوى /
» اسد الشعر العربى (جمال الشرقاوى) أغنية \ عيد ميلادى قرَّب \ كتب كلماتها الشاعر \ جمال الشرقاوى \
» أسد الشعر العربى ( جمال الشرقاوى ) أغنية \ إنت اللى قلت هنبتدى \ كلمات الشاعر \ جمال الشرقاوى \
» اسد الشعر العربى (جمال الشرقاوى) أغنية \ قول أبقىَ لك إيه يعنى \ كلمات الشاعر \ جمال الشرقاوى \