اسد الشعر العربى (جمال الشرقاوى) أغنية \ قول أبقىَ لك إيه يعنى \ كلمات الشاعر \ جمال الشرقاوى \

اسد الشعر العربى (جمال الشرقاوى)
أغنية \ قول أبقىَ لك إيه يعنى \
كلمات الشاعر \ جمال الشرقاوى \

قول...
أبقىَ لك إيه يعنى
مش كلمة و بس تريَّحنِى
لو أنا حاجة غريبة عليك
مش هستناك لمّا تبعنى
و م دُمْت سألتك مقدارى
م انا تايهة و حيرانة بنارى
و انت م بتردِّش بالمَرَّة
و كأنك بتقوللى احتارى
أحلف بقمر الليل و سماه
أحلف برب الكون لا سواه
دة مفيش غير حبَّك ضيَّعنى
قول أبقىَ لك إيه يعنى
مش كلمة و بس تريَّحنى
لو انا حاجة غريبة عليك
مش هستناك لمَّا تبعنى
و انا جنبَك تعشق تعذيبى
و ان غبت بتسأل ليه تغيبى
و لا عشان لسَّة بجرَّب
الحب جديد و انت حبيبى
يا حبيبى كفاية كفاية الآه
الحزن ف قلبى زاد لمداه
و هقولها انا قبلك ودَّعنى
قول أبقىَ لك إيه يعنى
مش كلمة و بس تريَّحنى
لو انا حاجة غريبة عليك
مش هستناك لمَّا تبعنى

من ديوان " صباح الحب "
القاهرة \ أغسطس \ الإثنين 9 \ 8 \ 1999م
جمال الشرقاوى \ صحفى \ وكالة أنباء مصر \