أغنية \ حبَّك ليَّه \ كلمات \ جمال الشرقاوى \

أغنية \ حبَّك ليَّه \
كلمات \ جمال الشرقاوى \

حبَّك ليَّه فاق لياليَّه
خلا الدنيا الدنيا صغيَّرة فيَّه
خلانى زى الكروان
بغنى و احس بكل أمان
و ادخل عالم صعب عليَّه
خلاص هقابلك ازاى انام
دة نبض قلبى يعد ايام
و اقول تيلفونك امتى يجينى
عشان يوعدنى على الأحلام
و الحيرة تزيد كل شويَّه
حبَّك ليَّه فاق لياليَّه
خلا الدنيا صغيَّرة فيَّه
خلانى زى الكروان
بغنى و احس بكل أمان
و ادخل عالم صعب عليَّه
حبَّك عرَّفنى الضحكاية
ورَّانى شكل النسماية
و ليقتنى ف أيامى الحلوة
زى وردة حكايتها حكاية
و انت البستان فرحان بيَّه
حبَّك ليَّه فاق لياليَّه
خلا الدنيا صغيَّرة فيَّه
إنت السر اللى معايا
يعرفنى أكتر من نفسى
و انت الكون اللى هوايا
يديلك من بكرة و أمسى
بتخلى الحزن دة مش ليَّه
حبَّك ليَّه فاق لياليَّه
خلا الدنيا صغيَّرة فيَّه

من ديوان " صباح الحب "
القاهرة \ ديسمبر \ الأحد 19 \ 12 \ 1999م
جمال الشرقاوى \ صحفى \ وكالة أنباء مصر \