اسد الشعر العربى (جمال الشرقاوى) أغنية \ قلبك فجرى \ شعر \ جمال الشرقاوى \

اسد الشعر العربى (جمال الشرقاوى)
أغنية \ قلبك فجرى \
شعر \ جمال الشرقاوى \

جريت عليك أنا و ناديتك
يا روحى بشوق و حنيَّة
... إنت الوحيد اللى سقتنى
كاس الأمان ف الدنيا ديَّة
و انت الأمل الحلو كمان
قلبَك فجر ف ليل حيران
بتقرَّب الضى عليَّه
كلام ف الحب بقلهولك
بإحساسى من بعيد لبعيد
و طريقى صعب مشيتهولك
بدمِّى و دمعى بغنى سعيد
و انت الغرام حبَّك مكان
أيوة إنت شمس ف زمان
بتخلى نبض عمرى جديد
و انت الأمل الحلو كمان
قلبَك فجر ف ليل حيران
بتقرَّب الضى عليَّه
و انا بكتب بحزن جميل
و ببعت مع الطير مرسالى
خايف يكون الرد رحيل
و لا عذاب و ألام جيَّالى
ورا شط عنيك بحر و نعسان
موصوف لعاشق جىِّ ولهان
و لا مستحيل بعدَك ف خيالى
و انت الأمل الحلو كمان
قلبَك فجر ف ليل حيران
بتقرَّب الضى عليَّه

من ديوان " صباح الحب "
القاهرة \ يونيه \ الثلاثاء 1 \ 6 \ 1997م
جمال الشرقاوى \ صحفى \ وكالة انباء مصر \