اسد الشعر العربى (جمال الشرقاوى) أغنية \ راح لحاله \ كلمات \ جمال الشرقاوى \

اسد الشعر العربى (جمال الشرقاوى)
أغنية \ راح لحاله \
كلمات \ جمال الشرقاوى \

الحبيب أهو راح لحاله
إتغيَّرنا و إيه جراله
... ليه بيدَّلل علينا
و لا عشان ملناش بداله
لو يقوللى بس ماله
حبيبى هاجر ف الزمن
يطول بُعده و انا بعده
بقاسى الحب و الذكرى
بعيش للماضى و لبكرة
إمتى نرجع للى كان
للضحك و الفرحة و زمان
لو يقوللى بس ماله
الحبيب اهو راح لحاله
إتغيَّرنا و إيه جراله
بعيد ناسينا و لا فاكر
سنين ماضينا الأولانى
لسة حبه ف قلبى ساكن
سقيته من شوقى و حنانى
لسة شكله جميل وديع
لسة الغضب ف عنيه سريع
غلبت اداوى كتير جروح
و جرح عمرى يا ريت يروح
لو يقوللى بس ماله
الحبيب اهو راح لحاله
إتغيَّرنا و إيه جراله
ليه بيدَّلل علينا
و لا عشان ملناش بداله
لو يقوللى بس ماله

من ديوان " صباح الحب "
القاهرة \ يناير \ الجمعة 21 \ 1 \ 2000م
جمال الشرقاوى \ صحفى \ وكالة انباء مصر \

» أسد الشعر العربى ( جمال الشرقاوى ) أغنية / كل اللى يشوفها يحبها / كلمات الشاعر / جمال الشرقاوى /
» اسد الشعر العربى (جمال الشرقاوى) أغنية \ طبعا يا سيدى و مين قدَّك \ كلمات الشاعر \ جمال الشرقاوى \
» اسد الشعر العربى (جمال الشرقاوى) أغنية \ قول أبقىَ لك إيه يعنى \ كلمات الشاعر \ جمال الشرقاوى \
» أسد الشعر العربى ( جمال الشرقاوى ) أغنية \ إحتجت لوجودك \ من كلمات الشاعر \ جمال الشرقاوى \
» أسد الشعر العربى ( جمال الشرقاوى ) أغنية \ إحتجت لوجودك \ من كلمات الشاعر \ جمال الشرقاوى \