اسد الشعر العربى (جمال الشرقاوى) أغنية \ غلطانين \ شعر \ جمال الشرقاوى \

اسد الشعر العربى (جمال الشرقاوى)
أغنية \ غلطانين \
شعر \ جمال الشرقاوى \

غلطانين
علشان فتحنالك قلبنا
... علشان عيونا م جت ف عنيك
علشان سهرنا كتير نلاغيك
و قولنا جارنا و حبّنا
غلطانين
علشان أمنالك يا خاين
و شفنا الدنيا المُرَّة جناين
و شفنا ف عنيك البريئة
طفولة و بحور و سفاين
و شط م الشوق و الأمان
من غير مكان و لا زمان
و قلنا م حدش زينا
غلطانين
علشان حلمنا بيك ليالى
و عملنا من حبَّك أمانى
و لقينا فيك مشوار جميل
يا خسارة ضاع م بين ثوانى
ليه سقتنا من كاس الحرمان
و بقينا بين هجر و نيران
قولوا مين يندم قدنا
غلطانين
علشان فتحنالك قلبنا
علشان عيونا م جت ف عنيك
علشان سهرنا كتير نلاغيك
و قولنا جارنا و حبَّنا
غلطانين

من ديوان " صباح الحب "
القاهرة \ نوفمبر \ ليلة الثلاثاء 13 \ 11 \ 2001م