أغنية \ بتقوللى إغضب \ كلمات \ جمال الشرقاوى \

أغنية \ بتقوللى إغضب \
كلمات \ جمال الشرقاوى \

بتقوللى إغضب و انتَ
أقرب حبيب ليَّه
بتجرَّح قلبى انا
يا حب تقسىَ عليَّه
شايف دموع عينى
جايَّة وراك تواسينى
لمَّا ضنانى الشوق
لمَّا نويت ترمينى
م ظلمتنى ف بُعدَك
و كمان نسيت وعْدَك
و الوحدة نار تكوينى
بتقوللى إغضب و انت
أقرب حبيب ليَّه
بتجرَّح قلبى انا
يا حب تقسىَ عليَّه
علشان بالعين بناديك
و بقولك دايب فيك
من غير كلام فاهمَك
و لو خاصمت اراضيك
على إيه يزيد عِندَك
من إيه يطول صدَّك
إيه اللى جَدَّ عليك
بتقوللى إغضب و انت
أقرب حبيب ليَّه
بتجرَّح قلبى انا
يا حب تقسىَ عليَّه

من ديوان " صباح الحب "
القاهرة \ يناير \ السبت 13 \ 1 \ 2001 م
جمال الشرقاوى \ صحفى \ وكالة انباء مصر \