اغنية " آه لو تيجى " كلمات \ جمال الشرقاوى \

اغنية " آه لو تيجى "

كلمات \ جمال الشرقاوى \

تيجى نلعب لعبةجديدة
ندخل عالم دنيا سعيدة
نخرج برَّة خيالنا شويَّة
يلاّ نعيشه فـ نجمة بعيدة
يلا نعيش أعمارنا فـ يوم
نفرح نضحك ننسىَ اللوم
تيجى نلعب لعبة حب
آه لو تيجى تيجى تيجى
تيجى نخلى الدنيا قلب
آه لو تيجى تيجى تيجى
تيجى نصبح طير بيطير
يهجر رايح بلد النور
و لا فراشة بقلب حرير
و ابقىَ حبيب العِين الحُور
رأيك نبقىَ ملايكة فـ جنة
ولا عريس و عروسة فـ حْنة
تيجى نلعب لعبة حُب
آه لو تيجى تيجى تيجى
تيجى نخلى الدنيا قلب
آه لو تيجى تيجى تيجى

من ديوان " الا نظرة "
عام 1999 م

فى قمة الخيال
تلك الكلمات