اسد الشعر العربى (جمال الشرقاوى) اغنية \ بحلف بالله يمين عليَّه \ كلمات \ جمال الشرقاوى \

اسد الشعر العربى (جمال الشرقاوى)
اغنية \ بحلف بالله يمين عليَّه \
كلمات \ جمال الشرقاوى \

بحلف بالله يمين عليَّه
يا فلسطين مهرك عليه
" عزة و تحدى و بندقية "
بنتى يا اقوى من المحن
القدس دى هى الهدية
شمس القطاع هالة عليكى
و النصر كحل ف لون عنيكى
مهما يتأخر عن معاده
عريس و هيحنى ايديكى
دة النصر دمعة و ابتسامة
مهما نضحى له مفيش ملامة
سلام من الرب و تحية
بحلف بالله يمين عليَّه
يا فلسطين مهرك عليه
" عزة و تحدى و بندقية "
بنتى يا اقوى من المحن
القدس دى هى الهدية
الضفة و غزة بيكتبولك
ع الخط الاخضر عيد ميلاد
يستوطنوا و لا يوصلولك
و ف يوم هنحصدهم حصاد
بكرة المسيح جنب الحسين
هيجيبوا جيش صلاح الدين
و يزرعوا القدس العربية
بحلف بالله يمين عليه
يا قلسطين مهرك عليه
" عزة و تحدى و بندقية "
بنتى يا اقوى من المحن
القدس دى هى الهدية

من ديوان " صباح الحب "

القاهرة \ مارس \ ليلة الثلاثاء 19 \ 3 \ 2001 م
جمال الشرقاوى