أسد الشعر العربى ( جمال الشرقاوى ) قصيدة \ عايز اقولك \ كلمات \ جمال الشرقاوى \

أسد الشعر العربى ( جمال الشرقاوى )
قصيدة \ عايز اقولك \
كلمات \ جمال الشرقاوى \

عايز اقولك يا للى منى
فاكر لما كنا اصحاب
فاكر لما كنا يوم
زمان عدى و كنا احباب
خلاص فات الزمن و الله
و قلبى و قلبك راحو و الله
لكن اه و اه يا ويلى
لما عمر الحب ولى
عايز اقولك ياللى منى
ياما ليل بكيت كتير
و كنت يوم سلطان امير
كنت عايش يوم و بكرة
برضه عايش و اهو يوم يسير
لقيت دموعى شمس تحرق
كل ثانية عشت فيها
كل دقيقة سلمت امرى
بحر الدموع مش هيداريها
عايز اقولك ياللى منى
لو انت يوم غدرت بيَّه
ليه رب اسمه الكريم
بحاول اقسى و كتير عليه
ابقى يوم كداب لئيم
قلبى لسة ع العهد باقى
لكن بيصرخ كل ليلة
حيران يدور زى السواقى
مش لاقى لك طبيب و حيلة
عايز اقولك ياللى منى
جايز يوم تتخلى عنى
و تبقى مش عايز تشوفنى
جايز تنسى عشرة عمر
و ان جيت اعاتبك م تكلمنى
اهون عليك تسبنى اضيع
تسيب ف عينى جراح و دموع
اهون عليك تنام و قلبى
حرقة و ظلام من غير شموع
عايز اقولك ياللى منى
مستحيل تبقى الحقيقة
ان الحزن يوم يحكم
ان القاسى يكون حكيم
و الحب يموت م يتكلم
مستحيل ان الملاك
يبقى يا ناس هو الشيطان
و لا البخيل بالحب هيبقى
اسمه ف يوم هو الانسان
عايز اقولك ياللى منى
دنيانا حقيقى صغيرة
عايز اقولك و انتظرنى
الدنيا خطوة صغيرة
عايز اقولك بلاش تجنى
عايز اقولك يوم قابلنى
بعد ما تدور السنين
و م تلاقيش فرح و حنين
شوف هنبقى مين و مين
يا خوفى يوم تندم و تلقى
الدموع دم ف سنين
عايز اقولك ياللى منى
ف يوم م ينفعش البكا
و لا حتى يشفعلك انين
و اللى بنيته راح سراب
عشان م كانش له جنين
عايز اقولك هتاخد ايه
م هو كل شيء قدر مكتوب
و النصيب ف اللوح قديم
و الرب اسمه رب قلوب
كفاية اقولك ياللى منى

كتبت هذه القصيدة فى القاهرة \ مارس \ فجر الجمعة
2002 م الساعة 30و4
جمال الشرقاوى \ كاتب و شاعر \