أغنية \ من زمان \ للشاعر \ جمال الشرقاوى \

أغنية \ من زمان \
للشاعر \ جمال الشرقاوى \

من زمان
و انا نفسي اجيلك
نفسي اعيش
ويَّاك ف ليلك
من زمان بستنىَ حبَّك
أه يا ويلى
و أه يا ويلك
من زمان و انتَ حبيبى
دى حاجة مش عايزة الكلام
و كنت ساعة م بتيجى
أحلامى بتعيش ف الأحلام
أيَّامى سحر
و ليلي فجر
حتى بعشق موج البحر
و كأنى مخلوق للغرام
من زمان
و انا نفسي اجيلك
نفسي اعيش
ويَّاك ف ليلك
من زمان بستنىَ حبَّك
أه يا ويلى
و أه يا ويلك
بكلمك و بخاف منك
و بدارى الخوف و اطمنلك
لو اقدر ادوِّب فيك قلبَك
و ادوب ف هواك و اعشق كلك
و لو تصبر بطول العمر
أجيب بعدك منين الصبر
مين اللى قاللى اشتاق عنك
من زمان
انا نفسى اجيلك
نفسى اعيش
ويَّاك ف ليلك
من زمان
بستنىَ حبَّك
أه يا ويلى
و أه يا ويلك

من ديوان " صباح الحب "
للشاعر \ جمال الشرقاوى