أغنية \ يا ليالى \ كتب كلماتها \ جمال الشرقاوى \

أغنية \ يا ليالى \
كتب كلماتها \ جمال الشرقاوى \

يا ليالى يا للى فيكى
فرْحى و أحزانى و أمالى
ياللى عمرى بين إيديكى
شعور حقيقى و مش خيالى
يا ليالى
ياما شفتِك ياما عشتِك
كنتى عليَّه قلب حَنون
كنتى حبيبتى و انا حبيبك
عمر م كانت بينا ظنون
و لا كان بينا شك و غيرة
كنت العاشق و انتى السيرة
قصة حب أمير و أميرة
يا ليالى
يا ليالى ياللى فيكى
فرْحى و أحزانى و أمالى
ياللى عمرى بين إيديكى
شعور حقيقى و مش خيالى
يا ليالى
عمرى م كنت ف يوم اتصوَّر
الطبع الحلو ف يوم يتغيَّر
يبقىَ ملاوع يبقىَ محيَّر
قلب الدنيا يبقىَ صغيَّر
يعرف يقسىَ يحاول ينسىَ
يجرح يبعد و لا يوم يدرىَ
إنى عمرى تانى م هصفىَ
يا ليالى
يا ليالى ياللى فيكى
فرْحى و أحزانى و أمالى
ياللى عمرى بين إيديكى
شعور حقيقى و مش خيالى
يا ليالى

من ديوان " صباح الحب "
القاهرة \ ابريل \ الجمعة 20 \ 4 \ 2001 م
جمال الشرقاوى \ صحفى \ وكالة انباء مصر \

» أغنية \ يا ليالى \ كتب كلماتها \ جمال الشرقاوى \
» اسد الشعر العربى (جمال الشرقاوى) أغنية \ عيد ميلادى قرَّب \ كتب كلماتها الشاعر \ جمال الشرقاوى \
» اسد الشعر العربى (جمال الشرقاوى) أغنية \ فاكر \ كتب كلماتها الشاعر \ جمال الشرقاوى
» اغنية " سهيِّر ليالى " كلمات \ جمال الشرقاوى \
» اسد الشعر العربى (جمال الشرقاوى) أغنية \ طبعا يا سيدى و مين قدَّك \ كلمات الشاعر \ جمال الشرقاوى \