غنية \ أنا مصرى \ للشاعر \ جمال الشرقاوى \

أغنية \ أنا مصرى \
للشاعر \ جمال الشرقاوى \

أنا مصرى بقول لبنان
بقول للحرب إيه يعنى
بقول بالحب بالإيمان
كل السلام بينفعنى
أنا مصرى بقول لبنان
بناضل مع بلاد الشام
صابر على جراح قلبى
بالإنجيل مع الإسلام
أنا مصرى بقول لبنان
فلسطينى على جبينى
إسم القدس عربية
على قلبى دة مرسومة
فلسطينية مصريَّة
أنا مصرى بقول لبنان
بقول يا سوريا م تخافى
دة الرب حامى وحدتنا
تواريخنا على الجدران
من يوم م خدنا سكتنا
أنا مصرى بقول لبنان
أنا مصرى بقول عربى
بقول للأمة العربية
بصوت عالى و هنحارب
ع الأرض من غير سريَّة
أنا مصرى بقول عربى
أنا مصرى بقول جندى
محارب دمى يفديكم
أنا مصرى و قلبى بحار
ف حرب و سلم يرويكم
أنا مصرى بقول جندى
يا روحى و قلبى و عنيَّة
بلاش تبكى على قدَرك
أمى يا أمة عربية
أنا إبنِك و سيف قهْرك
أنا مصرى بقول عربى

من ديوان " صباح الحب "
الجفرة \ سبتمبر \ ليلة الأربعاء 2 \ 9 \ 1992 م
جمال الشرقاوى \ صحفى \ وكالة انباء مصر \