تكفـى وتكـفـى عــن علـومـي تكـفـي = بعض الكلام اثقل مـن الهضـب وطويـق
ان جيـت اسولـف بـه لسانـي يجـفـي = وان جيـت ابـا ارده قطـع حلقـي الريـق
والـلـي ورى حــدب الضـلـوع امتلـفّـي = مـــرو الـعـيـون ومـيـبــسٍ للمـعـالـيـق
والــلــي بـصـفــه واعـتـبـرتـه بـصـفــي = وقفتـه امــر مــن الـشـري فالمـذاويـق
قفى وانا اسمـه مـن ضلوعـي مقفـي = واكـرم عـن اسمـه مبهمـات الطواريـق
كـــم مـيّــتٍ حـــيٍ وحــــي مـتـوفــي = وانا على اللي ميـت لاعتـب ولااضيـق
ولـوانّـهــا يــابــن الـعـريــب الـمــوفــي = تـوخـذ مــن الدنـيـا بـســرد ومـلاحـيـق
طـفـي وشـبـي مـيـر شـبـي وطـفـي = يـانــار وان عــــودت مــالــي مـواثـيــق
كـفـي ويسقيـنـي مــن الـجـم كـفــي = وامــوت والهـقـوه بــروس الشـواهـيـق
مـيـر الـبـلا وقـتــي تـقــول امتـشـفـي = واللـي افيـق احـيـان عـنـده ولا افـيـق
امــا انــه الـســود الوجـيـه امتـحـفـي = والا ان لــه قـضــعٍ بـــروس المطـالـيـق
وان كـان تنـشـد ويــش ودي وشـفـي = قد شلت من حمل الدهر فوق ماطيق
ان كــان لـــك فـزعــه تـعـضـد بـضـفـي = والا اعـتـذر وعــذرك مـثــل المخـالـيـق
واطوي علـى صبـري ضلوعـي واغفـي = مــع بـيــت والـنـحّـل قـفــولٍ مغـالـيـق
يـاعـنـك مـاجـنـبـت خــــوف وتـخـفــي = ياقـلـب مـيــر الـــدرب حـــظ وتـوافـيـق
الرئيسية
أحدث الصور
السبت سبتمبر 17, 2011 1:15 am
