روح معها واترك الاحزان تلعب في حشاي

شوف كم مره جروحي جات تنزف لك اساي
وأنت تستعذب نزيفي..وتجرح القلب بصميمه

روح معها واترك الاحزان تلعب في حشاي
لاتضيع من طريقي فرصة الموت الأليمه

روح معها وخلني.. استمتع بنغمة بكاي
خلني رمز بحياتك حتى لو ذكرى قديمه

روح واذكرني بخير ولاتسبب في اذاي
ولاتشمت فيني العذال وأصحاب النميمه

كلها أيام وأدري القادم المجهول جاي
وش يخبي عمري المحزون باكر اي جريمه

احتمال احبك اكثر من هنا لآخر مداي
أو يفيض الشوق من قلبي ويتكاثر حميمه

واحتمال يزيد لك في داخلي نسبة وفاي
واحتمالاتجنسك واصير في حبك مقيمه

واحتمال احبها عنك,,ويطول عناي
واحتمال اتحملك واصبر على هموم جسيمه

واحتمال واحتمال واحتمال,,يامناي
لوطرت في خاطري فكره الاقيها وخيمه

لاصرت أنت المرض انصاب بك وأنت دواي
وش تسوي لوشفتني من سبب حبك سقيمه

بكره يلمع في طريقك نوري وبارق ضياي
تستعيد ايام عمرك بين اوقاتي الحميمه

كل شارع تعبره معها بتسمع به نداي
وكل ليل يمرك بودك اصير لك نديمه

لاضواك الليل تستوحش تكون الا معاي
ودك انزع من دجاه المر ظلماته وسديمه

وكل لمسه تلمسك فيها بتتذكر دفاي
وكل وقت يمرك بدوني..بتستعوذ رجيمه

كل نظره منها بتجرجرك حتى سماي
في عيوني تضيع..ادري من سبب نظره سهيمه

طعمها! لامايعادل بس رشفه من شفاي
خصرها!لامايساوي جنب خصري اي قيمه

صوتها ضحكة شفاها!مابتوصل مستواي
كل صفه مني تقابل عندها صفه ذميمه

هذا أنا متلخبطه مدري كيف اكسب رضاي
هذا انا متناقضه مابين احساسي وجحيمه

هذا انا اتلفت الدنيا ولا ألقى سواي
بين انياب الحقايق شوفني طفله يتيمه

ولني بس انثى عظيمه عفت هالعالم وراي
وجيت اسطر اعترافي لأني بس انثى عظيمه

لا أعرف اوصف جمالها خوفاً من التقصير في حقها...

أبدعه في طرحهاا...

لأن كل ماقولت جميل...

لقد نثرت عطر جميل...

لا يستطيع المدح ان يوفي حقه...

فا سلمت هل الأيادي الجميله...

ودمته لنا تضع كل ماهو جميل...

فلا تحرمنا جديدك الجميل...

لك خالص الشكر والتقدير...

ثقبل مرورك الجميل