قصيدة \ ألله الله \ كلمات \ جمال الشرقاوى \

قصيدة \ ألله الله \

كلمات \ جمال الشرقاوى \

ألله الله على الجهاد
ف سبيل الله.. ألله الله
إن عشنا خدنا النصر
و ان متنا خدنا الفخر
ليك دمنا يا وطن
نقطة عبير ف البحر
عمَّرنا مساجدنا
و النبض رتل أه
غنى الإيمان جوانا
لا إله إلا الله
ألله الله على الجهاد
ف سبيل الله ..ألله الله
شوفوا الوطن مجروح
دمه هناك بيفوح
و الأقصى بدمعه لمين
غيرك يا مصر يبوح
يا نبى الله عود لنا
شوف حال المسلمين
بسمتك الشريفة دوا
روح بتحى ِ جنين
ألله الله على الجهاد
ف سبيل الله..ألله الله
و انا الحى الشهيد
موالى ع الإرض صاحى
دمِّى ع الأرض كبَّر
سبَّح ف كل الضواحى
و ليلى أصبح فجر
عمر الزمان م نسَاه
و زاد ع الشمس بدر
خلىَ حياتكو حياه
ألله الله على الجهاد
ف سبيل الله..ألله الله

كتبت هذه القصيدة فى القاهرة \ ديسمبر \ الجمعة 13 \ 12 \ 1996 م الساعة 30و9
صباحا \ جمال الشرقاوى \
[ صحفى \ وكالة انباء مصر \ ]