أغنية \ خايفة \ للشاعر \ جمال الشرقاوى \

أغنية \ خايفة \
للشاعر \ جمال الشرقاوى \

بحبك و خايفة أقول
ل ف يوم عذابى يطول
ياخدنى ف طريق مجهول
خايفة انا من نفسى
خايفة من أسرارى
خايفة ل يضيع زمنى
خايفة من إعصارى
خايفة إيدين غريبة
تفتش ف نور أحلامى
و بين سطور الكتب
تمشى ورا أيامى
بحبك و خايفة أقول
ل ف يوم عذابى يطول
ياخدنى ف طريق مجهول
خايفة عيون الناس
خايفة كلام الناس
شوف كام عزول و عزول
و جنبه كام بصاص
مقدرش اعيش بجراح
و لا قادرة على السُكات
م اعرفش امشى ف طريق
أحزان على متاهات
بحبك و خايفة أقول
ل ف يوم عذابى يطول
ياخدنى ف طريق مجهول
خايفة يوم تخون
م تقولش مش هيكون
و العمر موج عالى
بين غضب و بين سكون
و حب رسمه خيالى
يضيع ف حزن كبير
و اعيش وحدى ف دنيا
مليش فيها نصير
بحبك و خايفة أقول
ل ف يوم عذابى يطول
ياخدنى ف طريق مجهول

كتبت هذه القصيدة فى القاهرة \ يناير \ السبت
9 \ 1 \ 1999م الموافق 21 رمضان الساعة 30و3 فجرا \ جمال الشرقاوى
صحفى \ وكالة انباء مصر

انت نبع من الابداع



بوح عذب بعطر الحب



ينثر الغرام فوق سطور الحب



دمت بخير